Suksesi nuk arrihet për një natë. Ai arrihet kur bëheni pak më i mirë se dita paraprake. E gjithë kjo akumulohet me ditë, vite, e më pas suksesi vjen. Ne sot mbushim 9 vjet.
Më 21 shtator të vitit 2015, në hapësirën e mediave në Maqedoni TV21 filloi me transmetimin e programit. Nëntë vjet më vonë dhe ende po ndërtojmë suksesin tonë. U vendosëm si një televizion serioz, i besueshëm, i balancuar maksimalisht, që çdoherë është në anën e qytetarëve.
Vitet e kaluara kemi marrë disa mirënjohje, që paraqesin motiv më të madh, por edhe përgjegjësi më të madhe nga ajo që kemi bërë deri më tani dhe do ta bëjmë në të ardhmen. Detyrimi ndaj shikuesve dhe qytetarëve është i madh, ndërsa ne jemi të vetëdijshëm për këtë, andaj vazhdojmë me ritmin e njëjtë.