A po afrohet marrëveshja për presidentin? Kurti flet për takimin me Abdixhikun

Kryeministri në detyrë, Albin Kurti, ka thënë se takimi i radhës me kreun e LDK-së, Lumir Abdixhikun, do të ndodhë porsa të merren vesh për të. Kurti u shpreh se shpresojnë në një marrëveshje për një emër konsensual për presidentin. “Do të ju njoftojmë me kohë porsa të merremi vesh për takimin e radhës dhe shpresojmë edhe për marrëveshje”, tha Kurti. Në takimin e fundit mes Kurtit e Abdixhikut, të dy e kanë konfirmuar se për herë të parë kanë folur për emra konkretë./Kosovapress.