Ambasadori i Iranit në Spanjë, Reza Zabib, paralajmëroi se Teherani “do të sulmojë çdo bazë amerikane në Evropë, nëse është e nevojshme”, duke theksuar se Irani është “një vend i aftë të reagojë”.
Izraeli dhe Hezbollahu shkëmbyen zjarr, ndërsa konflikti me Iranin zgjerohet. Sulme raportohen edhe në Bahrejn, Emirate të Bashkuara Arabe, Katar e Jordani.
Kryetari i Këshillit të Sigurisë Kombëtare të Iranit, Ali Larijani, konfirmoi refuzimin e negociatave me Shtetet e Bashkuara, ndërsa presidenti amerikan, Donald Trump, u zotua se do ta ndëshkojë Teheranin me “forcën e plotë” të ushtrisë amerikane.
Sulmet e përbashkëta të Izraelit dhe SHBA-së ndaj Iranit nisën më 28 shkurt, me synimin për të ndalur programin bërthamor iranian. Në kundërpërgjigje, Irani goditi objektiva në vendet aleate të SHBA-së në rajon.