Ish-reprezentuesi i Argjentinës, Ángel Di María, beson se Lionel Messi duhet të vazhdojë të luajë për kombëtaren për aq kohë sa dëshiron.
“Djemtë e kombëtares meritojnë shumë më tepër se vetëm duartrokitje për gjithçka që kanë arritur gjatë kësaj periudhe. Kam qenë i shqetësuar gjatë çdo ndeshjeje të Kupës së Botës 2026. Ky ekip gjithmonë gjente diçka të veçantë brenda vetes që i ndihmonte të fitonin. Në finale ndonjëherë fiton, ndonjëherë humbet. Këtë herë nuk ia dolën, por mendoj se kombëtarja e ngriti sërish lart flamurin e Argjentinës.
Messi duhet të luajë për kombëtaren për aq kohë sa të dëshirojë. Besoj se ai mund të luajë edhe shumë vite të tjera. Në moshën 39-vjeçare ai tregoi se mbetet një nga futbollistët më të mëdhenj në histori. Për të nuk ka më kufij. Trajneri Lionel Scaloni është simbol i kësaj kombëtareje të Argjentinës. Shpresoj sinqerisht që Scaloni të qëndrojë”, deklaroi Di María për Sport.es
Pas finales së Kupës së Botës 2026, të cilën Argjentina e humbi me rezultat 1:0 ndaj Spanjës, u shfaqën raportime se Messi nuk do të luante më për përfaqësuesen.
Në Botërorin 2026, Messi realizoi tetë gola dhe katër asistime në tetë ndeshje.