Gazetare: Ajnur Bafqari
Kreu i ekzekutivit, Hristijan Mickoski konfirmoi se në seancën e fundit Qeveria ka vendosur për vazhdimin e gjendjes së krizës, për një periudhë të caktuar. Ai shtoi se do të ketë një seancë të re, ku do të vendoset që TVSH-ja e derivateve të mbetet 10 për qind. Mickoski tha se vazhdon ndjekja e çmimeve në bursa, dhe mbi bazë të tyre do të konfirmohet lartësia e akcizës.
“Ajo është formulë dhe ne sipas kësaj formule llogarisim kur të mbyllen bursat dhe si indikator mund të dimë çfarë mund të presim në fillimin e javës së ardhshme, në rastin konkret të hënën kur më së shpeshti janë seancat e KRRE-së…Pres që javën e ardhshme së paku të mbeten të njëjta çmimet e naftës, por është e mundur edhe një ulje shtesë, sipas gjendjes së bursave për momentin”, deklaroi Hristijan Mickoski, Kryeministër.
Nga ana tjetër, Qeveria po përgatit masa për një grup të caktuar të produkteve që kanë shënuar rritje për rreth 10 për qind, edhe pse analiza e tregut tregon se rritja e përgjithshme është vetëm 0,4 për qind.
“Prej kësaj analize kemi indikatorë të caktuar për disa produkte të caktuara që i kanë rritur çmimet e veta, për disa për qind, ose të jem më preciz me për përqindje me numër dy shifrorë, që nënkupton mbi 10 për qind…. Më së shumti te fruta-perimet, më së shpeshti është vërejtur te domatet, trangujt, te vezët.. 28:27 Për momentin mendojmë se si të vijmë te çmime më të lira për qytetarët, për një grup të caktuar të produkteve ku kemi rritje me numër dyshifrorë”, theksoi Hristijan Mickoski, Kryeministër.
Mickoski sqaroi se analiza është bërë në 4 zinxhirë marketesh dhe te 55 produkte, ku është bërë krahasimi i çmimeve më 1 shkurt dhe 1 prill./Alsat.mk.
The post Qeveria zgjat gjendjen e krizës, Mickoski: TVSH-ja të mbetet 10 përqind appeared first on Alsat.