Shtetet e Bashkuara kanë vendosur sanksione të reja ndaj Iranit, duke shënjestruar financierin kryesor të liderit suprem të ri iranian, ajatollah Mojtaba Khamenei, si dhe 13 persona të tjerë. Sanksionet vijnë pasi Irani vazhdoi sulmet ndaj cisternave në Ngushticën e Hormuzit.
Masat janë drejtuar edhe ndaj bankierit dhe biznesmenit iranian Ali Ansari, me seli në Dubai, si dhe ndaj disa kompanive dhe zyrave të këmbimit valutor që, sipas SHBA-së, kanë ndihmuar në transferimin e fondeve për bankat iraniane të sanksionuara dhe në fshehjen e aktiviteteve të paligjshme financiare.
Departamenti Amerikan i Thesarit deklaroi se do të vazhdojë të përdorë të gjitha mjetet për të izoluar udhëheqjen iraniane nga sistemi financiar global.Ndërkohë, ministri i Jashtëm iranian, Abbas Araghchi, akuzoi SHBA-në për shkelje të memorandumit të mirëkuptimit mes dy vendeve, duke thënë se Uashingtoni ishte zotuar të mos vendoste sanksione të reja. Ai theksoi se Irani, sipas tij, ka respektuar angazhimet e veta dhe kërkoi marrëdhënie të bazuara në respekt të ndërsjellë.