Një nga surprizat e shumta të merkatos së kësaj vere ishte padyshim rikthimi i Lucas Digne te PSG. Mbrojtësi i majtë u largua nga Aston Villa dhe u rikthye te PSG, për 10 milionë euro.
Sipas L’Équipe, gjërat nuk po shkojnë mirë për Lucas Digne, i cili nuk po përshtatet dot me stilin e lojës së Luis Enrique dhe mbi të gjitha duket se i mungon mentaliteti i duhur për të qenë pjesë e këtij klubi.
“Ai duhet të zgjohet. Është mirë që erdhi këtu duke pranuar rolin e lojtarit të dytë, por nuk është me pushime ose gjysmë në pension. Ai duhet të luftojë dhe të përpiqet të jetë më i mirë se Nuno Mendes sepse Nuno nuk do të luajë çdo ndeshje” deklaroi një burim nga PSG për L’Equipe.
Mungesa e tij në formacionin titullar ndaj Lille, edhe pse Nuno Mendes nuk ishte i grumbulluar fare për këtë takim, tregon sinjalin e parë të qartë të dhënë nga Luis Enrique për 33-vjeçarin francez.
The post “Ai duhet të zgjohet”, te PSG janë të pakënaqur me transferimin e bërë këtë verë appeared first on Telesport.