Trajneri Xabi Alonso ka pranuar se lojtarët e tij te Chelsea nuk janë në gjendje të konkurrojnë për 90 minuta të plota, pasi pësuan një rënie drastike në pjesën e dytë dhe humbën 3-0 ndaj Brentford.
“Do të thoja se kemi humbur qëndrueshmërinë dhe mentalitetin konkurrues që kërkohet në pjesën e dytë. Detajet e vogla mund të jenë vendimtare. Nuk duhet t’u japësh avantazh kundërshtarëve në ndeshje të tilla, ku mjafton pak që ata të përfitojnë shumë“, tha Alonso.
Më tej, trajneri spanjoll shtoi: “Bëhet fjalë për 95 minuta lojë dhe ne nuk kemi arritur ta ruajmë atë nivel gjatë këtyre ndeshjeve të para të sezonit. Është diçka që duhet ta përmirësojmë. E dinim se është një proces”.
“Janë luajtur vetëm pesë ndeshje në një Premier League shumë konkurruese. E dinim që çdo ndeshje do të ishte e vështirë. Nuk është asgjë e re. Për ta kuptuar lojën, për të ditur se çfarë duhet për të konkurruar deri në fund”, tha Alonso.
“Lojtarëve u duhet kohë që ta ndiejnë atë. Për momentin, nuk e ndiejmë plotësisht që mund të konkurrojmë gjatë gjithë ndeshjes”, tha Xabi Alonso.
The post Alonso: Chelsea e ka ende të vështirë të ruajë nivelin e lojës përgjatë 90 minutave appeared first on Telesport.