4 vite pas triumfit në Katar, Julián Álvarez paraqitet në Botërorin 2026 me një status krejt ndryshe. Më 2022 konsiderohej alternativë e vlefshme në sulm, ndërsa sot sulmuesi i Atlético Madridit është kthyer në një nga pikat kyçe të Argjentinës së Lionel Scaloni. Pas 4 golave vendimtarë në Katar dhe fitimit të besimit te kombëtarja, Alvarez vjen si protagonist absolut në Kupën e Botës 2026.
Në një intervistë për “FIFA.com”, sulmuesi foli rreth konkurrencës me Lautaro Martínez, duke e quajtur “të shëndetshme dhe stimuluese”: “Kur luajmë bashkë e kompletojmë shumë mirë njëri-tjetrin. Kushdo që zbret në fushë mendon vetëm për të mirën e skuadrës”.
Objektivi i Argjentinës mbetet i qartë: “Ne argjentinasit mendojmë gjithmonë për të fituar. Duam të shkojmë në finale dhe të mbrojmë titullin botëror”. Ai kujtoi edhe ndeshjen ndaj Meksikës në Katar: “Aty kuptuam se fati ishte në duart tona”. Për Lionel Messi tha: “Pa diskutim është më i madhi i të gjitha kohërave”.
The post Alvarez: Konkurrenca në kombëtare me Lautaron është stimuluese, mund të luajmë edhe bashkë appeared first on Telesport.