Ruben Amorim vlerësoi paraqitjen e Milanit pas barazimit ndaj Juventusit, duke theksuar se skuadra, e cila ka vetëm dy muaj që punon së bashku, ishte pranë fitores. Pas ndeshjes, trajneri tha: “U përpoqëm të bënim ndeshjen tonë, por vuajtëm sa herë humbnim topin. Nuk e meritonim të fitonim, ose më saktë, Juventusi nuk e meritonte të humbiste. Jemi një skuadër që luan së bashku prej dy muajsh dhe ka ende shumë për të punuar”.
Për mënyrën e lojës: “Dua gjëra të thjeshta, kontrollin e topit dhe rikuperimin e tij. Këtë dua të shoh nga Milani im. Ajo që vlerësoj? Që luftuam deri në fund ndaj një skuadre që punon së bashku prej më shumë kohësh”.
Amorim shtoi: “Po ndryshojmë mënyrën tonë të lojës. Në pjesën e parë mund të bënim shumë gjëra më mirë. Kur humbet topin, duhet të reagosh për ta rifituar dhe kjo na mungoi”.
Për Cissé: “Jam i lumtur për të gjithë lojtarët e mi. Duhet të jem i kujdesshëm me të, sepse karriera e tij po merr hov. Jam i kënaqur me golat dhe paraqitjet e tij, por ai e di se duhet të punojë ende shumë”.
The post Amorim i sinqertë: Milani im luftoi deri në fund, Juventusi nuk e meritonte të humbiste appeared first on Telesport.