Arsenal ka konfirmuar se William Saliba do të mungojë për një periudhë të gjatë për shkak të një dëmtimi në shpinë. Megjithatë, mbrojtësi qendror francez nuk pritet t’i nënshtrohet një ndërhyrjeje kirurgjikale, sipas një deklarate të klubit.
Saliba u zëvendësua në minutën e 30-të të humbjes së Francës ndaj Spanjës në gjysmëfinalen e Kupës së Botës. “William Saliba është rikthyer pas Kupës së Botës, ku luajti një rol thelbësor te Franca“, thuhet në deklaratën e Arsenal.
“Vlerësimet e mëvonshme të specialistëve mbi kthimin e William në Londër këtë javë kanë konfirmuar se ai ka pësuar një dëmtim në shpinë që do të kërkojë një periudhë rehabilitimi. Vlerësimet e gjera kanë arritur në përfundimin se ndërhyrja kirurgjikale nuk rekomandohet, por lojtari tani duhet të fillojë një program të menaxhuar rikuperimi”, shton deklarata.
Rehabilitimi i Saliba do të fillojë menjëherë, me menaxhim të vazhdueshëm të dëmtimit të tij, dhe ai pritet të jetë jashtë loje për një periudhë të gjatë. Të gjithë janë plotësisht të përqendruar në mbështetjen e lojtarit për të siguruar që ai të kthehet në formë të plotë sa më shpejt të jetë e mundur.
The post Arsenal e nis sezonin e ri me një lajm të keq, Saliba do të mungojë për një periudhë të gjatë pas dëmtimit appeared first on Telesport.