Michael Carrick dhe Bruno Fernandes kanë zhvilluar një takim kokë më kokë për të sqaruar mosmarrëveshjet e lindura pas deklaratave të kapitenit portugez në përfundim të ndeshjes kundër Como-s. Pas disa ditësh tensioni, trajneri dhe mesfushori kanë vendosur të lënë pas përplasjet dhe të bashkëpunojnë për të ringritur një sezon deri tani zhgënjyes.
Megjithatë, pajtimi mes tyre nuk ka qetësuar tifozët, të cilët vazhdojnë të kritikojnë ashpër lojtarët dhe drejtuesit për rezultatet negative. Humbja e rëndë ndaj Bournemouth e ka përkeqësuar krizën, duke e zbritur Manchester United në vendin e 16-të në Premier League. Skuadra numëron gjithashtu 8 ndeshje radhazi pa fitore.
Carrick, i konfirmuar të paktën për transfertën ndaj Chelsea, e di se ndeshjet e ardhshme mund të përcaktojnë të ardhmen e tij. Edhe Bruno Fernandes është vënë në shënjestër të kritikave pas përplasjes publike me trajnerin. Pajtimi është vetëm hapi i parë. Tashmë, rezultatet në fushë do të tregojnë nëse kriza është kapërcyer vërtet.
The post Carrick dhe Bruno Fernandes bashkohen për të shpëtuar sezonin, vendoset paqja te Manchester United appeared first on Telesport.