Një grua së bashku me dy fëmijët e saj të mitur kanë vdekur pasi shtëpia e tyre është përfshirë nga zjarri.

Sipas A2CNN në vendngjarje është gjetur një bombolë gazi, ndërsa dyshohet se shpërthimi i saj mund të ketë shkaktuar zjarrin.

Policia ka njoftuar se ngjarja ka ndodhur rreth orës 13:10 të mërkurën. Menjëherë pas marrjes së njoftimit, në vendngjarje kanë dalë Policia dhe zjarrfikësit.

“Si pasojë e zjarrit kanë humbur jetën shtetasja B. Ç., 24 vjeçe, si dhe dy fëmijët e saj, përkatësisht 3 vjeç dhe 1 vjeç e gjysmë”, thuhet në njoftimin e Policisë.