Yan Diomande, talenti i ri i afruar te Real Madridi, ka shprehur admirimin e madh për nivelin teknik dhe profesionalizmin e shokëve të tij të rinj të skuadrës, veçanërisht për kampionë si Vinicius Junior dhe Kylian Mbappé.
“Është e pabesueshme. Në çdo stërvitje standardi është vendosur kaq lart, saqë nuk ke zgjidhje tjetër veçse ta rrisësh edhe nivelin tënd. Mëson diçka thjesht duke parë se si lëvizim, si mendojmë dhe si përgatitemi çdo ditë”, – ka thënë sulmuesi anësor 19-vjeçar nga Bregu i Fildishtë.
Diomande synon të shfrytëzojë në maksimum mundësinë për t’u stërvitur çdo ditë pranë futbollistëve të nivelit botëror, duke përshpejtuar rritjen e tij.
Jashtë fushës, ai e përshkruan veten si një djalë shumë të qetë dhe të lidhur fort me origjinën e tij: “Jam një djalë shumë i qetë. Më pëlqen të kaloj kohë me familjen dhe miqtë, të dëgjoj muzikë dhe të telefonoj në shtëpi, në Abidjan. Të qëndroj i lidhur me vendin nga vij më ndihmon të jem maksimalisht i përqendruar tek objektivat e mia”.
The post Diomande tregon ditët e para madrilene: Mësoj vetëm duke parë Vinicius dhe Mbappé appeared first on Telesport.