“Telenovela” e Rafael Leao-s vazhdon ende këtë verë. Sulmuesi portugezi bëri të ditur largimin nga Milan në fund të sezonit të kaluar, edhe pse është ende në dy vite të tjera nën kontratë.
Nga ana tjetër, Milan kërkon 50-60 milionë euro për të lënë të lirë anësorin portugez. Deri tani ka pasur interesim konkret nga tre klubet e mëdha turke si Galatasaray, Fenerbahce dhe Besiktas por ofertat e tyre kanë qenë shumë larg pritshmërive të Milanit.
Sacha Tavolieri, eksperti belg i transferimeve, ka zbuluar pak më parë se agjenti i Rafa Leaos, Jorge Mendes, ia ka ofruar klientin e tij, klubit të Romës.
Sipas raportimit në fjalë, Jorge Mendes ka kontaktuar drejtpërdrejt familjen Friedkin dhe çmimi i ëkrkuar tashmë është ulur në 40 milionë euro, pa përfshirë bonuset e ndryshme. Fakti që do të luajë në Champions League, mund të jetë një shtysë e madhe për Leaon për t’u transferuar te Roma.
Nga ana tjetër, transferimi i anësorit portugez mund ta bënte Romen një ekip kandidat për titullin për sezonin e ri.
The post IDEJA E FUNDIT! Milan nuk gjen dot blerës për Leaon, portugezi i ofrohet tani rivalëve në Serie A appeared first on Telesport.