Situata te Barcelona nuk është aspak e mirë, ndërkohë që sezoni sa vjen e bëhet më intesiv. Janë problemet financiare ato që po pengojnë klubin katalanas të jetë i qetë, ndërkohë që presidenti Joan Laporta i duhet të merret edhe me rivalët e tij.
Sipas mediave spanjolle, dhjetë grupe shoqatash të lidhura me Barcelonën kanë kërkuar dorëheqjen e menjëhershme të presidentit të klubit “blaugrana”, Joan Laporta dhe bordit të tij të drejtorëve.
Përmes një deklarate të lëshuar të dielën në mbrëmje, grupet, platformat dhe shoqatat e lidhura me klubin e Barçës kërkojnë ndryshime të menjëhershme në drejtim. Shkak janë problemet financiare dhe mungesa e federimit të Dani Olmo dhe Pau Víctor.
Sipas shoqatave opozitare, klubi katalanas ka dështuar me menaxhimin e situatës dhe rezultatet mund të ndihen në fushë, duke nisur nga Superkupa.
The post Kaos te Barcelona, 10 grupe opozitare kërkojnë dorëheqjen e presidentit Laporta appeared first on Telesport.