Situata në enklavën spanjolle të Ceutës është përkeqësuar pas fluksit masiv të migrantëve nga Maroku. Spanja i ka kërkuar Bashkimit Evropian ndihmë nga Frontex, Europol dhe Agjencia e BE-së për Azilin për identifikimin dhe përpunimin e rasteve të migrantëve që ndodhen ende në territor.
Tensionet janë rritur edhe në terren, ku protestuesit janë përplasur me policinë, ndërsa një ushtar është plagosur pasi ndaj forcave të sigurisë janë hedhur gurë. Autoritetet kanë forcuar masat në kufi me dronë, mjete detare dhe barriera të reja.
Sipas autoriteteve spanjolle, rreth 72 mijë persona kaluan nga Maroku në Ceuta gjatë disa ditëve të korrikut. Shumica janë larguar, por mijëra migrantë ende ndodhen në territor, ndërsa presidenti i Ceutës ka kërkuar ndërhyrje urgjente nga qeveria qendrore.