Nis sot rruga drejt titullit për Abissnet Superiore për sezonin 2025/2026. Ndryshe nga vjet, “Finale Four” këtë vit do të zhvillohet me 6 ndeshje, ku 4 ekipet e renditura të parat në fundit të sezonit të rregullt, do të ndeshen mes tyre. Të gjitha ndeshjet do të luhen në “Air Albania”.
Ndeshja e parë është ajo mes Vllaznisë dhe Dinamos. “Blutë” që fituan në mesjavë Kupën e Shqipërisë ndaj Egnatias, do të jenë sot pa trajnerin Ilir Daja, i dënuar nga Komisioni i Disiplinës.
Ndërkohë janë mësuar edhe formacionet zyrtare për këtë sfidë:
VLLAZNIA XI: Pohls; Gurishta, Gjini, Bajrami, Jago, Qato, Krymi, Kallaku, Mala, Balaj, Murataj
DINAMO XI: Kiri; Ismaili, Dita, Aliji, Loran, Beqja Qefalija, Vila, Guindo, Nani, Malomo
Të gjitha takimet e “Final Four” do të gjykohen nga arbitrat tanë ndërkombëtarë. Sot arbitër kryesor do të jëtë Florian Lata, anësorë Ilir Tartaraj dhe Erind Burgu. Arbitër i katërt, do të jetë Andi Koçi. Në VAR do të jetë Albert Doda.
The post Nis rruga drejt titullit. Luhet finalja e parë e “Final Four”. Vllaznia-Dinamo, mësohen formacionet zyrtare appeared first on Telesport.