Michael Olise u përmend vazhdimisht gjatë verës për një largim të mundshëm drejt Real Madridit, por nuk është se pati ndonjë ofertë apo propozim konkret. I pyetur për këto zëra dhe lajmet e shumta që qarkulluan gjatë verës, shoku i Kombëtares, Kylian Mbappe, tregon se ka refuzuar të tundojë Olise-në për një largim të mundshëm drejt Real Madridit.
“Kam dëgjuar thashethemet, por e di mirë këtë situatë: kur isha lojtar i PSG-së, thashethemet përhapeshin gjatë gjithë kohës. Unë mendoj se është mungesë respekti të këshillosh një lojtar të largohet.
Do të ishte e padrejtë ndaj Bayernit, veçanërisht pasi Bayern është një klub i madh ku Michael mund të arrijë gjëra të mëdha. Por ka një gjë që është e sigurt: çdo klub në botë dëshiron të nënshkruajë me Michael Olise. Ai është një lojtar i jashtëzakonshëm”, tha Mbappe në një intervistë të fundit për Bild.
The post Olise te Real Madrid? Befason Mbappe: Nuk do ta këshilloja të largohej nga Bayern, por… appeared first on Telesport.