Raphinha rikthehet të mbrojë fanellën e Brazilit, duke mohuar çdo dyshim për mungesë dëshire për t’iu përgjigjur ftesave të kombëtares. Dëmtimet fizike e kanë penguar disa herë të jetë në dispozicion të Carlo Ancelottit dhe trajnerëve të mëparshëm.
“Nuk dua të dëmtohem përsëri. Dua të jem në dispozicion jo vetëm të kombëtares, por edhe të Barcelonës. Fatkeqësisht, kur nuk jemi mirë fizikisht, nuk mund të luajmë as këtu dhe as në klub”, – deklaroi sulmuesi.
Më tej, ai theksoi lidhjen e veçantë me përfaqësuesen braziliane: “Që nga hera e parë që kam veshur fanellën e Brazilit, e kam shprehur gjithmonë qartë dëshirën për të qenë këtu. Nuk jam larguar kurrë nga kombëtarja dhe kam bërë gjithçka që kam pasur në dorë për të qenë i pranishëm. Për mua, të vesh këtë fanellë ka qenë dhe do të jetë gjithmonë një nder dhe privilegj”.
The post Raphinha nuk e shpërfill Brazilin: Kam munguar vetëm për shkak të dëmtimeve, bëj gjithçka për kombëtaren appeared first on Telesport.