Komuna e Tetovës ka lëshuar një njoftim zyrtar për të gjithë qytetarët, duke bërë të ditur se oborret e disa shkollave fillore dhe të mesme në territorin e komunës do të vihen në dispozicion për parkimin e automjeteve. Kjo masë merret me qëllim të sigurimit të hapësirave të mjaftueshme për parkim gjatë periudhës verore, kur fluksi i veturave shtohet ndjeshëm, dhe do të jetë e vlefshme deri në fillimin e vitit të ri shkollor 2026/2027.
Sipas njoftimit në imazhin, hapësirat që do të shfrytëzohen për parkim janë:
SHFK “Liria” – i gjithë oborri;
SHFK “Goce Dellçev” – i gjithë oborri;
SHFK “Istikball” – vetëm pjesa pranë hyrjes kryesore;
SHMK Gjimnazi “Kiril Pejçinoviq” – fusha e sportit dhe pjesa pranë objektit të vjetër të mjekësisë.
Në përmbyllje të njoftimit, autoritetet komunale u bëjnë apel të gjithë qytetarëve që t’i shfrytëzojnë këto hapësira me kujdes të shtuar dhe të respektojnë plotësisht rregullat e parkimit për të shmangur bllokimet dhe dëmtimet e mundshme.