Oleksandr Usyk do të zgjedhë të ardhmen e tij pavarësisht se është urdhëruar të mbrojë titullin botëror të peshave të rënda kundër Joseph Parker. Boksierit ukrainas i është dhënë një zgjatje e negociatave për një ndeshje të detyrueshme për titullin WBO kundër Joseph Parker.
Serhii Lapin, menaxheri i Usyk ka sugjeruar që kampioni i padiskutueshëm i botës nuk do të nxitohet për lëvizjen e tij të ardhshme në karrierë: “Gjatë gjithë karrierës së tij profesionale, si Oleksandr Usyk ashtu edhe i gjithë ekipi ynë kanë provuar se ne i respektojmë të gjithë kundërshtarët e mundshëm, si dhe rregullat që qeverisin boksin profesional”.
“Gjatë një viti e gjysmë të kaluar, Usyk ka arritur rezultate historike duke u bërë dy herë kampioni i padiskutueshëm i peshave të rënda. Kjo kërkoi përpjekje të jashtëzakonshme fizike dhe mendore, si dhe sakrificë të madhe”, shtoi Lapin.
Më tej, menaxheri i Usyk tha: “Kampioni ka fituar mundësinë ta lërë trupin e tij të rikuperohet nga efektet e një regjimi stërvitor ndëshkues dhe nga dëmtimet që shpesh janë të padukshme për botën e jashtme. Dhe, në fund të fundit, thjesht për të pushuar dhe për të kaluar kohë me familjen e tij”.
“Më e rëndësishmja: Ai ka fituar të drejtën për të zgjedhur të ardhmen e tij dhe për të marrë kohën që i nevojitet për të marrë atë vendim. Pra, djema, mos e shtyni të nxitohet”, tha Lupin. Për të ruajtur statusin e tij të padiskutueshëm, Usyk do të duhej të përballej me Parker ose do t’i hiqet ky titull.
The post “Usyk do ta zgjedhë vetë të ardhmen e tij pavarësisht kërcënimeve për heqjen e titullit” appeared first on Telesport.