Gilberto Mora është lojtari më i vogël në moshë i këtij botërori. Ylli i ri meksikan është vetëm 17 vjeç. Ai debutoi me këmbë të mbarë në Botëror, në fitoren 2-0 të Meksikës ndaj Afrikës së Jugut.
Mora është lojtari më i ri meksikan që ka luajtur ndonjëherë në një Kupë Bote. Falë paraqitjeve të qëndrueshme te Club Tijuana në kampionatin vendas, por edhe falë debutimit në Botëror, Gilberto Mora është objektiv i disa klubeve të mëdha.
Barcelona është një prej tyre. Katalanasit gjithmonë të vëmendshëm ndaj talenteve të reja, kanë nisur kontaktet e para me klubin meksikan për një transferim të mundshëm të Gilberto Mora. Vlera në treg sipas Transfermarkt e mesfushorit të ri me tipare sulmuese është 10 milionë euro, por e sigurt që pas Botërorit, vlera do të jetë dyfish apo trefish më shumë.
The post Vendosi rekord që në ndeshjen e parë debutuese, Barcelona vihet pas lojtarit më të ri të këtij Botërori appeared first on Telesport.