Fitorja e Real Madridit me penallti ndaj rivalëve të qytetit Atletico Madrid në raundin e 16-të të Ligës së Kampionëve u dëmtua nga një polemikë pasi goditja e penalltisë e Julian Alvarez u anulua
Real Madridi e kishte fituar ndeshjen e parë 2-1, por goli i minutës së parë të Connor Gallagher në stadiumin “Metropolitano” të mërkurën i lejoi Atletico-s të barazonte 2-2 në total, duke e çuar ndeshjen në kohë shtesë dhe më pas në penallti.
Real Madridi fitoi përfundimisht 4-2, por jo para një drame të madhe. Alvarez nga Atletico ishte i katërti që realizoi penallti pasi tre të parët u shndërruan me sukses në gola
Sulmuesi argjentinas e shndërroi edhe goditjen e tij në 2-2, por jo pa rrëshqitje dhe rënie. Ndërsa tifozët e Atletico-s filluan të festojnë, gjyqtari polak Szymon Marciniak vuri në dukje se penalltia e Alvarez ishte anuluar nga video ndihmës arbitri (VAR).
Përsëritjet treguan se këmba e tij e majtë bëri kontakt të vogël me topin përpara se ta gjuante me të djathtën.
Por çfarë thotë rregulli për goditjen e penalltisë së Julian Alvarez?
Neni 14.1 i ligjeve të lojës IFAB (Bordi i Federatës Ndërkombëtare të Futbollit) rregullon penalitetet. Sipas rregullit, “Goditësi nuk duhet të prekë përsëri topin derisa atë ta ketë prekur një lojtar tjetër.”
Kjo është arsyeja pse goditja e penalltisë së Alvarezit u anulua, pasi ai bëri dy prekje./KP