Pas takimit me Putinin të premten, Donald Tramp e ndryshoi qëllimin e tij të shpallur për fundin e luftës dhe filloi të fliste për një marrëveshje të drejtpërdrejtë paqësore.
“Presidenti i Ukrainës mund ose ta ndërpresë luftën me Rusinë menjëherë, nëse dëshiron, ose të vazhdojë të luftojë Pa kthim të Krimesë së dhënë nga Obama dhe PA HYRJE TË UKRAINËS NË NATO”, tha Donald Trump, president i SHBA-ve.
Në të njëjtën kohë, i dërguari i tij special për Moskën deklaroi se në Alaskë Putini ka bërë një lëshim kyç.
“U dakorduam për garanci të forta sigurie të cilat do t’i përshkruaja si vendimtare. Nuk mendonim se jemi as afër një marrëveshjeje për mbrojtje sipas Nenit 5 nga SHBA, një inkorporim ligjor në Federatën Ruse që të mos sulmohet asnjë territor tjetër kur marrëveshja e paqes të kodifikohet, një inkorporim ligjor në Federatën Ruse që të mos sulmohen shtete të tjera evropiane dhe të mos shkelet sovraniteti i tyre. Kështu që u dakorduam, dhe kishte edhe shumë më tepër”, u shpreh Stiv Uitkov, i dërguar special i Donald Trump për Rusinë.
Rusia për momentin nuk konfirmon se pajtohet me këtë, ndërsa presidenti ukrainas garancitë i quajti historike dhe nuk i komentoi thirrjet për heqje dorë nga territore.
“Paqja duhet të jetë e qëndrueshme. Jo si para disa viteve kur Ukraina u detyrua të hiqte dorë nga Krimea dhe nga një pjesë e Donbasit – dhe Putini e shfrytëzoi atë si trampolinë për një sulm të ri”, theksoi Volodimir Zelenski, President i Ukrainës.
Nga ana evropiane drejt Uashingtonit udhëtojnë liderët e Britanisë së Madhe, Francës, Gjermanisë, Italisë dhe Finlandës, si dhe liderët e Komisionit Evropian dhe të NATO-s.
“Evropa nuk dëshiron të jetë në tryezën e bisedimeve, Evropa duhet të jetë në tryezë për të diskutuar për veten dhe për të ardhmen e saj”, pohoi Emanuel Makron, President i Francës.
Në varësi të mënyrës se si do të kalojë takimi i sotëm, kolegët amerikanë kanë kërkuar nga diplomatët evropianë të jenë të përgatitur për takimin trilateral mes Donald Tramp, Volodimir Zelenski dhe Vladimir Putin që këtë javë.
Nëse nuk ka ndryshime në momentin e fundit, aleatët e SHBA dhe BE ranë dakord që takimi të mbahet në Evropë.