Shumë probleme shëndetësore që lidhen me zemrën, trurin e veshkat mund të lidhen me tensionin e lartë të gjakut.
Përpos kësaj, tensioni i lartë i gjakut shkakton komplikime të tjera të rënda në lëvizjen e gjymtyrëve.
Për të shmangur rritjen e tensionit të gjakut duhet pasur kujdes me përdorimin e kripës, por edhe me konsumimin e ushqimeve të caktuara.
AgroWeb.org ju sjell më poshtë një listë të detajuar të produkteve që ndikojnë në rritjen e tensionit të gjakut.
Ushqimet që rrisin tensionin
Mishi i kuq
Mishi i kuq është i shijshëm por përmban shumë kolesterol dhe dëmton zemrën dhe enët e gjakut.
Sipas të dhënave ku bazohet AgroWeb.org, një sasi prej 400 gramësh mish i gatuar përmban 254 miligramë kripë dhe 308 miligramë kolesterol.
E njëjta gjë vlen për pançetën, sallamin apo proshutat.
Picat e ngrira
Këto ushqime mund të tingëllojnë ideale për një darkë të shpejtë, por një racion i kësaj pice përmban 1,000 miligramë sodium.
Prodhuesit e saj shtojnë kripë dhe substanca shtesë për ruajtjen e picës duke rritur rreziqet për tension të lartë.
Salcat e paketuara të domates
Salcat e domateve me paketime qelqi ose metalike rrisin tensionin e gjakut.
Një paketim me salcë domate përmban 654 miligramë kripë.
Një racion me makarona me salcë domate dhe mish përmban 1,300 miligramë kripë.
Turshitë e gatshme
Sipas të dhënave të cilave i referohet AgroWeb.org, një filxhan me lakër turshi jo të përgatitur vetë përmban 939 miligramë kripë.
Turshitë e tjera përveç lakrës, si domatet apo kastravecët janë të zhytura në lëng me kripë.
Një filxhan me kastravecë turshi përmban 1,251 miligramë sodium.
Njerëzit që vuajnë nga tensioni i lartë nuk duhet të hanë turshi të tilla. Maksimumi duhet të konsumojnë turshi të bëra vetë.
Alkooli
Një sasi e vogël alkooli nuk shkakton dëme, por nëse e teproni me pirjen e alkoolit atëherë ju do të rrisni tensionin e gjakut.
Alkooli mundet të ndërhyjë kundër medikamenteve të tensionit të gjakut dhe të ulë efikasitetin e tyre.
Ëmbëlsirat e paketuara
Ëmbëlsirat, biskotat me mbushje shumëngjyrëshe që shiten në paketime të bukura janë të mbushura me sheqerna, yndyra të ngopura dhe kripëra.
Ushqime të tilla rrisin tensionin e gjakut, sheqerin në gjak dhe gjasat e mbipeshës.
Pijet energjike
Konsumi i pijeve energjike e rrit tensionin sistolik me 6.2 për qind dhe atë diastolik me 6.8 për qind.
Tensioni mesatar i gjakut rritet me 6.4 për qind pas pirjes së një pije energjike./Agroweb