Kreu i Agjencisë Ndërkombëtare të Energjisë ka paralajmëruar se Evropa ka rreth gjashtë javë karburant për avionë.
Në një intervistë me Associated Press të botuar sot, drejtori ekzekutiv i IEA-s, Fatih Birol, paralajmëroi se anulimet e fluturimeve mund të fillojnë “së shpejti” nëse furnizimet me naftë mbeten të bllokuara nga lufta me Iranin.
Birol tha se Evropa ka “ndoshta 6 javë ose më shumë karburant për avionë”, pasi mbyllja efektive e ngushticës së Hormuzit çoi në “krizën më të madhe energjetike me të cilën jemi përballur ndonjëherë”.
Ai tha se ndikimi do të jetë në çmime më të larta të karburanteve e çmime të larta të energjisë elektrike, duke shtuar se disa pjesë të botës do të goditen më keq se të tjerat.
“Vija e parë janë vendet aziatike” që mbështeten në energjinë nga Lindja e Mesme, tha ai, duke përmendur Japoninë, Korenë, Indinë, Kinën, Pakistanin dhe Bangladeshin, duke shtuar se më pas do të vijë në Evropë dhe Amerikë.
Dhe nëse ngushtica e Hormuzit nuk rihapet, Birol tha se për Evropën së shpejti do të dëgjohet lajmi se disa nga fluturimet nga qyteti A në qytetin B mund të anulohen si rezultat i mungesës së karburantit për avionët.
SHBA-ja aktualisht po bllokon portet iraniane, ndërsa Teherani ka vendosur mina në rrugën ujore për të kufizuar trafikun përmes ngushticës.