Nick Woltemade ka luajtur vetëm 19 minuta në dy ndeshjet e fundit të Newcastle në Premier League, duke shtuar gjithmonë e më shumë shanset për një largim të gjermanit në këto ditë të fundit të merkatos. Për të ka pasur interes të vazhdueshëm nga ana e Atletico Madridit, por situata ka marrë një kthesë të papritur së fundmi.
Sky Sports zbulon se momentalisht Napoli është ekipi favorit për të siguruar shërbimet e sulmuesit gjerman. Klubi i Serie A po punon për një marrëveshje huazimi, ende nuk dihet nëse do të jetë me të drejtë blerje, detyrim blerje, apo huazim i thjeshtë.
Kujtojmë se Woltemade u transferua me shumë bujë verën e kaluar nga Stuttgart te Newcastle pët 75 milionë euro, por sezoni i parë i gjermanit në Premier League la për të dëshiruar. Trajneri i ri i “Qymyrxhinjve”, Matthias Jaissle, nuk e llogarit Woltemade, ndaj largimi i tij para 1 shtatorit është thuajse i sigurt.
The post Napoli tenton goditjen e madhe në fund, një yll 75 milionë eurosh për Allegrin appeared first on Telesport.