Në konferencën e sotme për shtyp para përballjes ndaj Betis, Jose Mourinho u pyet edhe për situatën e ndodhur në merkato mes Julian Alvarez dhe Atletico Madridit.
“Askush nuk e njeh situatën specifike më mirë se Diego Simeone, dhe nuk mendoj se kam diçka për të thënë për këtë çështje. Ajo që them gjithmonë është se një lojtar duhet të jetë i kënaqur kur vjen 1 shtatori (fundi merkatos), sepse përndryshe nuk do të luajë deri në janar.
Kam një ndjenjë se që nga dje, dhe të paktën deri në dhjetor, Julian Alvarez do të jetë një lojtar i rëndësishëm për klubin e tij”, tha Mourinho.
Portugezi hodhi poshtë idenë se gara për titullin e La Liga është një çështje vetëm mes Real Madridit dhe Barcelonës, duke këmbëngulur se Atletico Madrid ka cilësitë për të qenë pretendent i fortë.
“Për mua, Atlético është një nga kandidatët. Pastaj ka ekipe të forta që do të konkurrojnë për vendet në Champions League, si Betis dhe Real Sociedad”, shtoi Mourinho.
The post “Ndryshe nuk do të luajë deri në janar”, Mourinho jep mendimin e tij për situatën mes Atletico Madridit dhe Julian Alvarez appeared first on Telesport.