Pas një starti jo fort pozitiv të kampionatit të Ligue 1, skuadra e PSG tregoi forcën e saj në Europë, duke mundur thellë 6-1 Slovan Bratislava. Një nga protagonistët e skuadrës pariziene ishte Ousmane Dembele, autor i dy golave të parë.
“Ishte shumë e rëndësishme të fitonim në atë sfidë. Shënuam shumë gola dhe ishte e rëndësishme ta nisnim mbarë fushatën e Ligës së Kampionëve. Ishte një paraqitje vërtet e shkëlqyer dhe e shijuam shumë; sulmuam dhe mbrojtëm si një trup i vetëm. Jemi të lumtur”, tha sulmuesi francez.
“Është Champions League, të gjithë janë të motivuar dhe duan të luajnë në këtë kompeticion; me tifozë të tillë, gjithçka është vërtet e veçantë”, tha Dembele.
Ndërsa Ferran Torres, që realizoi një trigolësh, tha: “Ishte si një ëndërr, një natë e jashtëzakonshme. Ishte ndeshja ime e parë në Ligën e Kampionëve me PSG-në; fituam dhe unë shënova një ‘hat-trick’”.
“Jam vërtet shumë i lumtur me pritjen që më kanë bërë në klub dhe me mënyrën se si të gjithë kanë bërë që të ndihem si në shtëpinë time. Ndoshta jam përshtatur më shpejt nga sa prisja dhe shpresoj t’u dhuroj edhe më shumë gëzim tifozëve”, tha Torres.
The post Dembele: PSG kthehet në një përbindësh në Champions. Torres: Ishte si një ëndërr appeared first on Telesport.