Aventura e Jürgen Klopp si trajner i Gjermanisë ka nisur në mënyrë mjaft të vështirë. Pas barazimit 1-1 ndaj Holandës, Die Mannschaftà u mund 1-0 nga Greqia në Augsburg, duke mbetur pa fitore pas dy ndeshjeve në Nations League.
Skuadra gjermane nuk arriti t’i shndërronte në gola zotërimin e topit dhe rastet e krijuara, por edhe qëndrueshmëria gjatë gjithë 90 minutave duket se është një problem. Ekipi e kishte humbur intensitetin ndërsa loja përparonte kundër holandezëve, ndërsa kundër Greqisë, vështirësitë me pasimin e fundit dhe finalizimin ishin veçanërisht të dukshme
Situatën për Klopp e komplikojnë mungesat e Jamal Musiala dhe Kai Havertz, si dhe nevoja për të vendosur një hierarki brenda një grupi shumë të gjerë lojtarësh. Trajneri ka grumbulluar gjithsej 44 lojtarë, të ndarë në dy lista, për katër ndeshjet e para.
Bastian Schweinsteiger nuk i kursen kritikat: “Tani jemi thjesht një skuadër mediokre, nuk jemi më një skuadër elitare. Nuk kemi më lojtarë që bëjnë diferencën. Shpresoj që Klopp të mund të ndërtojë një skuadër të aftë për të luajtur futboll sipas ‘stilit Klopp’.”
Projekti sapo ka filluar, e megjithatë ka tashmë probleme të shumta për t’u zgjidhur. Trajneri duhet të punojë me mbajtjen e topit nën presion, aftësinë për të ruajtur intensitetin dhe kontrollin dhe me ndërtimin e skemave koherente të lojës pavarësisht rotacionit të skuadrës.
The post Nisje makthi për Klopp, reagon Schweinsteiger: Nuk jemi më një skuadër elitare appeared first on Telesport.