E ardhmja e Harry Kane duket gjithnjë e më e lidhur me Bayern Munich. Pas ndeshjes së Nations League ndaj Spanjës, sulmuesi anglez foli në një konferencë për shtyp rreth negociatave për zgjatjen e kontratës së tij me klubin bavarez.
Bisedimet po ecin mbarë, siç konfirmoi vetë Kane: “Negociatat po shkojnë mirë. Ato janë ende në vazhdim dhe po ecin në drejtimin e duhur. Të dyja palët po e trajtojnë situatën me shumë qetësi, sepse të gjithë e shohin që unë jam shumë i lumtur këtu.”
Sulmuesi nuk duket se ka nxitim; ndërsa pret një marrëveshje përfundimtare, ai preferon të përqendrohet te fusha e lojës: “Unë thjesht po bëj punën time. Zyrtarisht, më kanë mbetur ende nëntë muaj nga kontrata, kështu që në fakt nuk ndryshon asgjë”.
“Këto bisedime për kontratën mund të presin; u takon njerëzve të mi t’i diskutojnë dhe t’i zgjidhin ato. Një vendim pritet të merret brenda një muaji dhe mendoj se do të jetë pozitiv“, tha Harry Kane.
Këto fjalë konfirmojnë atmosferën e besimit të ndërsjellë mes Kane dhe Bayern Munich, ku të dyja palët dëshirojnë të vazhdojnë së bashku dhe një marrëveshje e mundshme ka gjasa të finalizohet në javët në vijim.
The post “Mendoj se brenda një muaji do të zgjidhim gjithçka në lidhje me rinovimin e kontratës” appeared first on Telesport.