Italiani Kimi Antonelli u shpall kampion bote për pilotë në Formula 1 për vitin 2026. Piloti i Mercedes u klasifikua në vendin e tretë në garën e sotme të zhvilluar në Meksikë, por e mjatueshme për të fituar matematikisht titullin edhe pse duhen ende 4 gara.
Ai shkroi historinë e këtij sporti, duke u shpallur kampion në moshën 20-vjecare e 68 ditë, duke u bërë piloti më i ri që e arrin këtë gjë. Një titull, i pari për Antonelli, që vjen në vitin e dytë në Formula 1 për talentin italian, që këtë sezon ka arritur deri më tani 9 fitore.
Një rezultat frut i një sezoni ku ka qenë më i shpejti në pistë, duke shfrytëzuar në maksimum potencialin e makinës Mercedes dhe la pas të gjithë rivalët. Ai mposhti konkurrencën e shokut të tij të skuadrës George Russell dhe të kampionëve të botës Lewis Hamilton e Max Verstappen.
Një titull mëse i merituar për Kimi Antonelli, të cilit i mjaftoi një sezon për t’u ambientuar me Formula 1, duke shpërthyer këtë sezon. 5 fitoret radhazi të arritura në pranverë e bënë kandidat potencial për titull, por më pas ai tregoi vijueshmëri edhe kur të tjerët gabonin.
Ai përfitoi nga gabimet dhe dështimet e rivalëve, tërheqjet nga gara që pati Russell, nga konflikti i brendshëm mes pilotëve të Ferrari si dhe nga ulje-ngritje të McLaren e Red Bull. Mes gjithë këtyre ngjarjeve, Antonelli ishte gjithnjë aty, te triumfi apo në podium, duke merituar titullin.
The post Kimi Antonelli shkruan historinë, shpallet kampion bote për pilotë në Formula 1 në moshën 20-vjeçare appeared first on Telesport.