Prokuroria Themelore në Ohër ka paraqitur propozim-akuzë për vdekjen e një punëtori ndërtimi në një kantier ndërtimi, pasi hetimet kanë konstatuar mangësi në sigurinë e objektit dhe angazhim të paligjshëm të punëtorit. Tragjedia ka ndodhur më 12 janar, kur Kristijan Lushev, ndërsa po transportonte mobilie së bashku me kolegët e tij, është penguar në një kovë në korridorin e katit të katërt dhe ka rënë nëpër hapësirën e pasiguruar të ashensorit.
Sipas Prokurorisë, punëtori ishte angazhuar pa kontratë pune, pa trajnim dhe pa kontroll mjekësor. Të akuzuarit ngarkohen për disa vepra penale, ndërsa për kompanitë është kërkuar edhe ndalimi i ndryshimeve të statusit juridik.
