Momenti i shumëpritur ka ardhur dhe Edon Zhegrova ka debutuar me fanellën e Juventusit.
Ylli kosovar iu bashkua Zonjës së Vjetër në ditën e fundit të afatit kalimtar veror, teksa tani ka bërë edhe debutimin për bardhezinjtë.
Zhegrova u inkuadrua në lojë në minutën e 86-të në vend të Kenan Yildiz, derisa i dha adrenalinë lojës kur Juventusi ishte duke humbur 2-4 nga Borussia Dortmundi.
Juventus u rikthye në lojë duke barazuar në fund rezultatin 4-4.
Reprezentuesi dardan në golin e katërt ishte pjesëmarrës, teksa u nis në sulm dhe pasoi te Vlahovic i cili asistoi te Kelly për të barazuar rezultatin në 4-4.
Gjatë këtyre minutave sa qëndroi në fushë, Zhegrova kishte 15 prekje të topit, derisa nga 12 pasime nëntë ishin të sakta.
Paraqitje e mirë e Zhegrovës, e para në vitin 2025 pas lëndimit që kishte pësuar sa ishte pjesë e Lille.
Në ndeshjen ndaj Veronës në Serie A, pritet që trajneri Igor Tudor t’i japë më shumë hapësira sulmuesit dardan i cili sot në 10 minuta sa ishte në fushë tregoi se është në formë të mirë.
The post Edon Zhegrova debuton me Juventusin në ndeshjen spektakolare ndaj Dortmundit appeared first on Alsat.