Ekipet e kërkim-shpëtimit përballuan temperaturat e ulëta për t’iu ardhur në ndihmë të prekurve nga tërmeti me magnitudë 6.8 ballë që goditi kontenë Dingri të qytetit Xigaze në Rajonin Autonom të Xizang-ut të Kinës jugperëndimore të martën në mëngjes, i cili shkaktoi dhjetëra viktima e të plagosur, shkruan “Xinhua”.
Tërmeti u ndje dukshëm në qark, tha Tashi Dondrup, kreu i kontesë Dingri. Epiqendra ishte në qytetin Tsogo të Dingrit.
Tërmeti me magnitudë 6.8 është lëkundja më e fortë e regjistruar në qark gjatë pesë viteve të fundit. Tërmeti goditi në një thellësi prej 10 km, sipas një raporti të lëshuar nga Qendra e Rrjeteve të Tërmeteve në Kinë.
Një studim paraprak zbuloi se më shumë se 1000 shtëpi kishin pësuar shkallë të ndryshme dëmtimesh. Disa prej tyre janë kthyer në gërmadha.
Foto nga VCG
Grupi i parë filloi punën e shpëtimit sapo mbërriti në qarkun Dingri, thanë autoritetet kineze të zjarrfikësve. Mbi 1500 zjarrfikës lokalë dhe punonjës të shpëtimit u dërguan në zonat e prekura.
Duke pasur parasysh ashpërsinë e katastrofës, Administrata Kineze e Tërmeteve nisi një përgjigje emergjente të nivelit II dhe dërgoi një ekip pune në vend për të ndihmuar në përpjekjet lokale të ndihmës ndaj fatkeqësive.
Zyra e selisë së ndihmës ndaj tërmeteve të Këshillit të Shtetit dhe Ministria e Menaxhimit të Emergjencave nisën gjithashtu reagimet emergjente të nivelit III për tërmetet.
Rreth 22.000 sende të ndihmës për katastrofat, duke përfshirë tenda, jorganë, shtretër të palosshëm dhe veshje, si dhe materiale të posaçme ndihme për zonat me lartësi të madhe dhe zonat e ftohta, janë dërguar nga autoritetet qendrore në rajonin e goditur nga tërmeti.
Forcat Ajrore aktivizuan një plan emergjence për ndihmë nga fatkeqësitë, duke organizuar avionë transporti, avionë mjekësorë, helikopterë dhe forca tokësore.