Prodhimi i pambukut në Rajonin Autonom të Xinjiang në Kinën veriperëndimore arriti në gati 5.69 milionë tonë në vitin 2024, 574.000 tonë më shumë se një vit më parë, njoftoi Zyra Kombëtare e Statistikave (NBS), citon “Xinhua”.
Rajoni kontribuoi me 92.2 për qind të prodhimit të përgjithshëm të pambukut të vendit këtë vit, duke arritur një rekord të lartë.
Sipërfaqja e mbjelljes së pambukut në Xinjiang ishte gati 36.72 milionë mu (2.45 milion hektarë) në vitin 2024, duke shënuar një rritje prej 3.3 për qind nga viti i kaluar, sipas Statistikave.
Rendimenti i pambukut në Xinjiang ishte mesatarisht 154.9 kg për mu në vitin 2024, një rritje prej 7.6 për qind në baza vjetore.
Përdorimi i makinerive moderne bujqësore ka përshpejtuar më tej prodhimin. Sipas të dhënave nga Shoqata e Pambukut në Xinjiang, shkalla e mekanizimit të mbjelljes së pambukut ka arritur në 100 për qind, ndërsa shkalla e mbledhjes mekanike është afërsisht 90 për qind.