Një rrufe e fuqishme ka goditur Kullën ikonike të Sahatit në Mekë, ndërsa momenti spektakolar është filmuar dhe shpërndarë me shpejtësi në rrjetet sociale.
Pamjet janë realizuar nga fotografi Youssef Badjas, ndërsa aktiviteti i fuqishëm elektrik mbi qytetin e shenjtë është dokumentuar edhe nga astronomi saudit Mulham Hindi.
Stuhia ka sjellë shi dhe vetëtima edhe pranë Xhamisë së Madhe, ku pelegrinët janë parë duke falur namazin e Jacisë nën reshje.
Sipas Hindit, gushti dhe shtatori janë muaj në të cilët stuhitë janë të zakonshme në Mekë dhe në rajonet perëndimore të Arabisë Saudite.
Kulla e Sahatit, me lartësi rreth 601 metra, është një nga simbolet më të njohura të Mekës. Pamjet e rrufesë që godet kullën kanë tërhequr mijëra reagime në rrjetet sociale.