Pep Guardiola ka ende një energji të jashtëzakonshme për punën e tij te Manchester City dhe ndihet më i qetë pavarësisht presioneve të një sfide për tripletën. Ka pasur spekulime gjatë gjithë sezonit se Guardiola mund të largohet nga City këtë verë pas një dekade në krye, por ai vazhdon të flasë ngrohtësisht për klubin.
“Nuk do të isha 10 vjet këtu, me apo pa trofe, nëse nuk do të kisha këtë mjedis të jashtëzakonshëm. Ende kam energji të jashtëzakonshme. Sigurisht që jemi këtu sepse kemi fituar shumë dhe kjo është arsyeja pse nuk të shkarkojnë. Ata ende vazhdojnë të më besojnë”, deklaroi Pep Guardiola.
Më tej, trajneri spanjoll foli për mentalitetin fitues që ka skuadra që ai drejton: “Ndonjëherë, nuk e ke atë mentalitet. Duhet ta provojmë përsëri se e kemi, gjë që e kemi vërtetuar në të kaluarën për gjeneratën e vjetër të lojtarëve, por tani nuk e di.
“Duhet ta bëjmë, të gjejmë një mënyrë për të fituar ndeshjet. Ekipet e mëdha gjithmonë gjejnë një mënyrë në momente vendimtare. Në të kaluarën e kemi bërë shumë herë dhe tani nuk e di sepse skuadra është 50% e re. Kjo është arsyeja pse duhet të shohim se si do ta përballojnë”, deklaroi Guardiola.
Në prag të ndeshjes që “qytetarët” do të luajnë sot ndaj Everton, spanjolli tha: “Në këto faza të sezonit, bëhet fjalë për fitimin ose humbjen e Premier League apo FA Cup. Sezonin e kaluar isha 24 orë duke menduar ‘çfarë do të ndodhë në klub nëse nuk kualifikohemi në Champions”.
The post Guardiola: Ende kam energji të jashtëzakonshme për punën te City, ky ekip duhet të mësojë të punojë nën presion appeared first on Telesport.