Erling Haaland i dha Manchester City një fitore të rëndësishme 2-0 në fushën e Porto, në debutimin e tyre në Champions League. “Mendoj se ishte një fitore bindëse. Fituam jashtë fushe në një ndeshje të vështirë. Shikoni këtë atmosferë, ishte joreale në disa momente”, tha sulmuesi norvegjez.
“Një ndeshje e mrekullueshme kundër kampionëve të Portugalisë. E dinim se do të ishte një luftë e vështirë tek për tek. Ata janë një ekip i shkëlqyer, mbresëlënës, të gjithë, luajnë futboll të mrekullueshëm. Por, me gjithë presionin, ne dhamë maksimumin. Kjo ishte ajo që bëmë”, shtoi Haaland, autori i dy golave.
Më tej, sulmuesi i ‘citizens”, shtoi: “Sinqerisht, ne kontrolluam të gjithë pjesën e parë. Sigurisht, është pak e pakëndshme kur ata vijnë lart. Por ne krijuam shumë raste. Mund të kisha shënuar lehtësisht disa gola të tjerë. Në pjesën e dytë shënuam dhe ata arritën të na shtynin për 25 minuta. Ne arritëm të rezistojmë dhe ta përfundojmë ndeshjen”.
“Këto janë ndeshjet që duhet t’i fitojmë. Patëm një fillim të shkëlqyer të sezonit dhe në Ligën e Kampionëve duhet të fitosh ndeshje. Nëse jo, ke gjithë presionin. Nuk e di kurrë se çfarë do të ndodhë. Duhet të mësojmë. Enzo duhet të kërkojë shumë nga ne. Te Manchester City, duhet të fitosh ndeshje dhe trofe, kjo është ajo që duhet të bëjmë“, tha Haaland.
The post Haaland: Në Champions duhet të fitosh ndeshje për të larguar presionin, uroj që Maresca të jetë i kënaqur appeared first on Telesport.