Mike Maignan dhe Adrien Rabiot, dy nga shtyllat e Milanit, janë ende me pushime dhe do të rikthehen në dispozicion të skuadrës më 16 gusht, vetëm pak ditë para nisjes së kampionatit.
Pas Botërorit zhgënjyes me Francën, ku përfunduan të katërtit, ishte e drejtë që të pushonin. Megjithatë, të gjithë lojtarët e tjerë francezë të grumbulluar nga Deschamps, me përjashtim të dy lojtarëve të Milanit dhe dy të Bayern Munich, tashmë janë rikthyer në stërvitje me klubet. Mbappé, për shembull, është tashmë nën urdhrat e Mourinhos, ndërsa Upamecano dhe Olise kanë nisur përgatitjet me Bayernin.
Maignan dhe Rabiot duhej të riktheheshin më 12 gusht, por klubi u ka miratuar ditët shtesë pushimi. Milani e nisi përgatitjen në Itali për debutimin në kampionat ndaj Torinos më 23 gusht. Mungesa e Maignan është veçanërisht e ndjeshme, pasi Terracciano nuk është në formën më të mirë, ndërsa i riu Torriani është në gatishmëri.
Për momentin nuk ka zëra seriozë për largimin e tyre. Maignan ka rinovuar deri në 2031, ndërsa Rabiot konsiderohet i pashitshëm.
The post Maignan dhe Rabiot ende me pushime, do të rikthehen te Milani pak ditë para nisjes së kampionatit appeared first on Telesport.