Manchester City ka më në fund zëvendësuesin e Rodri. Ai është Ayyoub Bouaddi, që nga dita e sotme është zyrtarisht një lojtar i “qytetarëve”.
Lojtari 19-vjeçar ka nënshkruar një kontratë me klubin anglez deri në vitin 2031, dhe Lille, tashmë ish-skuadra e tij, do të marrë 95 milionë euro, plus 5 milionë euro në bonuse.
19-vjeçari bëhet transferimi më i shtrenjtë i një adoleshenti në historinë e Premier League, duke tejkaluar shumën prej 58.9 milionë eurosh që Manchester United pat paguar te Lille për mbrojtësin Leny Yoro në vitin 2024.
Pas transferimit, Bouaddi tha: “Kjo është një ditë shumë e veçantë për mua dhe familjen time. Manchester City është për mua klubi më i mirë në botë. Është një ëndërr të jem këtu dhe të jem në gjendje ta quaj veten lojtar i City”.
“Kam kaluar pjesën më të madhe të jetës sime duke punuar shumë për t’u bërë lojtari më i mirë që mund të jem dhe për të arritur majën e lojës. E kam ndjekur City për shumë vite dhe e dua stilin e tyre të lojës”, shtoi marokeni.
“City gjithmonë përpiqet të luajë futboll cilësor. Dhe ata kanë provuar të jenë fitues – ky klub duket se është ndërtuar për të fituar. Skuadra është e klasit botëror dhe Enzo është një trajner i klasit të parë
Më tej, ai tha: “Mezi pres të luaj në stadiumin Etihad, para të gjithë tifozëve. Kam shumë për të përmirësuar. Jam vetëm 18 vjeç. Jam i kënaqur me progresin që kam bërë deri më tani, por gjithashtu e di se mund të përmirësohem shumë”.
“Ky është padyshim vendi më i mirë për ta bërë këtë. Ky klub kërkon trofe dhe unë do të jap gjithçka për t’u siguruar që të garojmë për çdo titull“, tha Bouaddi.
The post Manchester City zyrtarizon transferimin rekord në Premier, 100 milionë euro për talentin maroken appeared first on Telesport.