Milan ka fituar 3-1 ndaj Interit në “Derby della Madonnina”, i vlefshëm për javën e 10-të në Serie A. Supersfida në “San Siro” u zhbllokua në minutën e 4-të, ku Diego Moreira la në vend Carlos Agusto dhe krosoi në zonë, aty Christian Pulisic shënoi me kokë, duke dërguar topin në rrjetën e Josep Martinez.
Në minutën e 10-të, Moreira kroson nga këndi, Adrien Rabiot shkëputet bukur në zonë dhe shënon një gol tejet të bukur me një goditje klasi me të majtën. Reagimi i zikaltërve erdhi në minutën e 23-të, ku pas një krosimi të Hakan Calhanoglu nga këndi dhe prekjes me kokë të Manuel Akanji, ishte Alessandro Bastoni në fund që dërgoi me kokë topin në rrjetën e Mike Maignan.
Në minutën e 33-të, Inter i afrolit golit të barazimit, por goditja e Djed Spence ndalët në momentin e fundit nga Mike Maignan. Në minutën e 43-të, Diego Moreira shënon një gol spektakolar nga goditja e dënimit. Pjesa e parë mbyllet 3-1 për Milanin.
Në pjesën e dytë, Milan administron në mënyrën perfekte rezultatin dhe shifrat nuk ndryshojnë deri në fund. Milan fiton 3-1 dhe ngjitet në vendin e 4-të me 21 pikë. Inter pëson humbjen e parë të sezonit në kampionat dhe mban vendin e dytë me 25 pikë, njësoj sa Lazio, që nuk ka zbritur ende në fushë për këtë javë.
The post Milan fiton “Derby della Madonnina”, Inter pëson humbjen e parë të sezonit (video) appeared first on Telesport.