Kush do t’i kishte thënë Raheem Sterling, kur mbërriti te Chelsea më 2022 nga Manchester City si një yll i spikat, se sot do të ishte margjinalizuar në një klub ku Enzo Maresca nuk e llogarit fare, është larguar totalisht nga ekipi i parë. Mediat angleze e quajnë sulmuesin në fjalë “bomb squad”.
Sterling është lojtar problematik për klubin blu, sepse ka kontratë deri më 2027 dhe merr 375.000 euro në javë, pa luajtur fare. Chelsea nuk po arrin dot t’i gjejë një destinacion për ta hequr nga lista e pagesave të shtrenjta. Huazimi i tij tek Arsenali, sezonin e kaluar, kaloi pa ndikim.
Për momentin, ish-lojtari i kombëtares angleze është “tepricë” luksi, bashkë me lojtarë të tjerë si Axel Disasi dhe David Datro Fofana. Ata janë praktikisht të larguar nga ekipi dhe me akses të kufizuar në ambientet e klubit. Sterling ka pasur interes nga Juventusi dhe Leverkuseni, por preferon të qëndrojë në Londër.
The post Paç fatin e Sterling! I përjashtuar nga skuadra, por paguhet 375.000 euro në javë, pa luajtur fare appeared first on Telesport.