Fitorja e Real Madridit ndaj Interit në debutimin në Champions League nuk i bindi plotësisht madrilenët, pasi skuadra vuajti në minutat e fundit, edhe pse pati disa raste të pastra për gol.
Raúl González, në debutimin si komentator në “Movistar”, vlerësoi tri pikët, por theksoi vështirësitë: “Më e mira është se janë marrë tri pikët. Nuk ishte e lehtë, sepse Interi është një ekip me strukturë shumë të punuar dhe Reali kishte mungesa në mesfushë”.
Për fundin e ndeshjes shtoi: “Goli i Interit krijoi pasiguri, por rezultati është i mirë për ta nisur rrugëtimin”. Më pas, José Mourinho dha analizën e tij dhe, pasi iu përmendën fjalët e Raúlit, reagoi: “Jo vetëm kritika, thoni edhe diçka të mirë për ne”.
Portugezi e përshkroi ndeshjen si “të çmendur”, duke thënë se mund të kishte përfunduar 7-6. Ai mbrojti punën e skuadrës, veçanërisht presionin që solli golin e Valverde: “Presioni stërvitet. Si të shtypësh, ku të shtypësh…, kjo është punë”.
Mourinho vlerësoi edhe Vinicius, pavarësisht se e zëvendësoi: “Nuk është ende në formën e tij më të mirë, por punon shumë. Kush punon dhe jep gjithçka që ka, meriton respekt”.
The post Raúl “skanon” Realin, regaon Mourinho: Jo vetëm kritika…, thoni edhe diçka të mirë për ne appeared first on Telesport.