Në prag të përballjes ndaj Ferencvarosh në Europa League, në konferencën për shtyp për Milanin, ishte i pranishëm Koni De Winter. Ndër të tjera, mbrojtësi kuqezi foli për fitoren në derbi, por për të do të kishte më shumë rëndësi fitimi i një trofeu sesa thjesht fitorja ndaj rivalit historik.
“Është gjithmonë bukur të fitosh një ndeshje kaq të rëndësishme si derbi, por fitimi i një trofeu do të ishte edhe më mirë për ne. Dhe ne po punojmë pikërisht për këtë”, tha De Winter.
Belgu foli edhe për përballjen e nesërme ndaj Ferencvarosh. “Çdo ndeshje është serioze dhe ne bëjmë gjithçka që mundemi për të fituar. Nuk kemi pasur shumë suksese në Evropë; nesër do të bëjmë çmos për të fituar”, shtoi De Winter.
The post Ylli i Milanit nuk mjaftohet vetëm me fitoren në derbi, por do edhe diçka tjetër: Do të ishte më mirë… appeared first on Telesport.