Hansi Flick ka ndryshuar plotësisht rolin e Raphinha te Barcelona, duke i dhënë një funksion të ri që ka ndikuar në karrierën e tij. Tani edhe Carlo Ancelotti ka ndjekur të njëjtën ide te Brazili.
Pas një miqësoreje përgatitore për Kupën e Botës, Ancelotti deklaroi: “Raphinha është më i miri në botë kur sulmon hapësirat pas mbrojtjes”. Në fitoren 6-2 ndaj Panamasë në “Maracanã”, braziliani luajti pas sulmuesit Matheus Cunha, me Vinicius në të majtë dhe Luiz Henrique në të djathtë, duke lëvizur lirshëm dhe sulmuar vazhdimisht prapa linjës defensive.
“Çfarë i kërkoj është të qëndrojë pranë vijës së mbrojtjes”, – tha Ancelotti, duke shtuar se nuk e sheh si qendërsulmues. Ai theksoi se i jep më shumë rëndësi kreativitetit dhe cilësisë së tij.
Brazili fitoi 6-2, me golat e Vinicius dhe Casemiro në pjesën e parë, ndërsa në të dytën shënuan Rayan, Paquetá, Igor Thiago dhe Danilo Oliveira. Brazili do të luajë edhe një miqësore me Egjiptin para Kupës së Botës, teksa në grup do të përballet me Marokun, Haitin dhe Skocinë.
The post Ancelotti “zbulon” Raphinha-n e tij: Më i miri në botë kur sulmon hapësirat pas mbrojtjes appeared first on Telesport.