Në intervistën e fundit për “El Mon a RAC 1”, drejtori sportiv i Barcelonës, Deco, foli për shumë tema dhe dha versionin e tij për rastin e Julian Alvarez.
“Ne i bëmë gjërat siç duhet. Ne paraqitëm një ofertë prej 100 milionë eurosh, që do të paguhej gjatë tre viteve, por nuk morëm përgjigje. Që nga ai moment, çdo gjë u diskutua kryesisht në shtyp.
Ne nuk i kërkuam lojtarit të thoshte në Kupën e Botës se donte të largohej nga Atletico Madrid. Ne kemi folur disa herë me drejtuesit e Atletico-s, gjithmonë me respekt. Ata na thanë se nuk donin ta shisnin lojtarin”, tha Deco.
I pyetur për të ardhmen e sulmuesit argjentinas, Deco la të kutpohej se nuk ka asgjë për të thënë për këtë çështje. “E ardhmja e Alvarez? Çdo moment duhet të vlerësohet për atë që është. Ka shumë tension në shtyp, por nuk ka asgjë tjetër për të shtuar”, shtoi Deco.
The post Deco tregon të vërtetën e tij për rastin e Alvarez: Gjithmonë kemi qenë të respektueshëm, oferta jonë ishte 100 milionë euro appeared first on Telesport.