Chelsea dhe Liverpool kanë zhgënjyer në ndeshjet e javës së 4-të në Premier League. “Blutë” barazuan 2-2 ndaj Hull City, Liverpool barazoi pa gola në “Anfield” ndaj Fulham. Një ndeshje tejet e mërzitshme, ku munguan golat dhe rastet.
Sfida në “Stamford Bridge” u zhbllokua në minutën e 7-të, ku pas një kundërsulmi të shpejtë dhe asistit të Joao Pedro, ishte Morgan Rogers që gjeti golin me një goditje të bukur me të majtën brenda zonës.
Mohamed Belloumi barazoi shifrat për miqtë në minutën e 28-të, pas një gafe të Jorrel Hato. Në minutën e 34-të, Mohamed Belloumi shënon golin e dytë personal dhe të dytin për Hull City, me një goditje të fortë në kufijtë e zonës së rreptësisë. Pjesa e parë mbyllet 1-2 për miqtë.
Barazimi i “Bluve” do të vinte në minutën e 66-të, ku Joao Pedro do të gjente golin, pas asistit të Cole Palmer.Rezultati nuk do të ndryshonte deri në fund. Hull City vazhdon të jetë i pamposhtur deri tani për këtë sezon. SHIKOGOLAT
Në sfidat e tjera, Aston Villa vazhdon të zhgënjejë këtë fillim sezoni, duke qenë shumë larg formës së sezonit të kaluar. Sot u mund në shtëpi 1-2 nga Nottingham Forest. Bournemouth barazoi 2-2 ndaj Brentford, Crystal Palace u mposht 2-3 nga Ipswich.
The post Chelsea dhe Liverpool zhgënjejnë në shtëpi, Aston Villa shumë larg sezonit të kaluar (video) appeared first on Telesport.