Italia e ka mirëpritur Kimi Antonelli në shtëpi. Kampioni i saposhpallur i botës për pilotë në Formula 1 mbërriti në Bolonja mbrëmjen e së hënës, ku u prit nga tifozë, miq dhe një grup i madh gazetarësh.
“Ende nuk e kam kuptuar plotësisht. Është një arritje kaq e madhe dhe besoj se më duhet të paktën një javë për ta përpunuar siç duhet,” tha piloti 20-vjeçar i Mercedes.
“Për momentin, mezi pres të kaloj kohë me familjen dhe miqtë e mi, të jem në shtëpi dhe të ha një pjatë me makarona”, shtoi Antonelli.
Më tej ai pret të festojë titullin në Itali. “Do të pushoj pak, pasi na pret një tjetër seri e ngjeshur garash përpara se të përfundojë sezoni. Do të shkëputem plotësisht dhe do të shfrytëzoj rastin për të kaluar kohë me miqtë dhe familjen”.
“Flokët po mendoja t’i ngjyrosja gjysmën në të kuqe dhe blu për nder të Italisë, ndërsa gjysmën tjetër me ngjyrat e flamurit italian. Tani, dua të fitoj garën e dhjetë dhe qëllimi është ta përsëris këtë sukses sezonin e ardhshëm”, tha Antonelli.
Ai tha se triumfi në Monza, ku e nisi nga fundi, ishte momenti kur mendoi se mund të fitojë titullin: “Pas Monza kuptova se titulli ishte brenda mundësive të mia. Arritëm të fitonim aty pas një rikthimi të fuqishëm, ai ishte momenti vendimtar.”
“Krahasuar me vitin e kaluar, kam bërë një përparim të madh në aspektin mendor, duke pasur gjithmonë njerëzit e duhur në krahun tim. Momentet e vështira të vitit të kaluar më ndihmuan të rritem shumë”, tha italiani.
“Do të ishte e jashtëzakonshme ta mbyllja kampionatin botëror me një garë në shtëpi, në Imola. Kjo është një ëndërr,” përfundoi Kimi Antonelli, i cili premton të shkruajë edhe më shumë histori në Formula 1.
The post Antonelli mesazh rivalëve: Pas fitores në Monza besoja te titulli, dua të përsëris këtë sukses edhe vitin tjetër appeared first on Telesport.